又開心又好玩的開學營完咗啦

返黎啦....這三天都在長洲渡過，凍都乜都唔認得。好彩有帶頂冷帽咋，如唔係就會被風吹到頭暈啦。今次第一次跟學院老師同學一齊入camp。上次四日三夜的開學個camp，因為細妹做緊電療，所以去唔到要請假。但今次就可以同大家一齊入camp玩。原來這班老師和同學都玩得好癲架，我都玩到有d驚咗佢地。原來玩兒時的活動(傳氣球、丟手巾)真係好鬼開心喎.........我d童真收埋咗咁耐都要攞返出嚟。

這三日有很多又精彩又好笑的活動。臨離營時大家分享這個營會的感受，我用了以下的句子形容：食瞓食瞓食食瞓，瞓食瞓食瞓瞓食，食食瞓，瞓瞓食，真係開心好玩到極!但可惜我同細佬都拗柴呢(我左腳佢右腳)。返屋企仲要睇醫生。

其實開心的是與三位女同學同房之餘，能夠深入彼此交心傾談，另外又同其他師兄師姐傾計，我個學期因為要與妹妹出入醫院，所以與其他同學或老師等真係『第四類接觸 - 少接觸』。至於我就瞓得麻麻地，可能開咗燈瞓唔著(有女同學怕黑嘛)。

另外，又影咗好多相片留念，不過係同學們的相機拍好多，要等佢send番d相比我才能post 上blog這裡啦.....我好想有部自家數碼相機黎‧.....