早會竟變咗運動會？！

我好想玩wii好耐架啦.但係因為價錢確實貴(HK$2xxxx)，想了很久都無買到；
但在昨日終可以給我如願以償啦，可以有WII 玩喎。
話說昨日早會，原先有外來講員，但因突然講員臨時有事，改由二年級的同學負責。我們這班二年級的同學好盞鬼....他們以現在全城熱烘烘的2008北京奧運作早會主題，介紹他們成長小組的各人及小組生活等，使大家捧腹大笑，更即場以『WII』進行了一場的運動會 - 分成四組賽跑。正如我所說，有得玩WII喎，使我童真、童心全被CALL了出來。參賽者有老師、同學，還有我們親愛的院長爸爸都玩埋一份呀！大家玩得勁投入、又緊張刺激，真係好過癮。下午我們一小撮人仍在休息室再玩過：劍擊、網球、做手術(這個是一個超難玩的GAME，我玩到醫死人，仲被釘牌添，嗚嗚)還有打乒乓球添。點知今早起床時發覺兩條手臂唔係自己咁(勁攰)。不過，我心諗係時候要比D時間做下運動啦！