日子真係過得好快，開心的假期就咁過完咗。
昨晚6:15返到學院預備開學禮。(其實只是預備食咋)，見到好多同學好開心啦。大家一路食一路傾，談談下學期大家會修讀的科目咁。我有一科係旁聽，但原來都要告知院方，還要加回在下學期所修的學科裡，我竟然miss咗，好彩與同學傾談才被提醒。而且明天便要入長洲參加開學營會。但天氣好凍喎，咁咪要著到成隻糭咁入camp囉。7:30p.m.開學禮由蘇sir負責啦。我諗佢如果唔教書，可以轉行做棟篤笑，是黃子華同張達明的勁敵。蘇sir的幽默風趣好掂，介紹老師時都令大家笑餐死，而且莊諧並重。另外由邵sir的訓勉令我有另一層次的反省。但最担心是我地校工叔叔，佢肝部發現有一個(乒乓球咁大)腫瘤，大家都在開學禮為佢祈禱，希望天父能為佢預備好的醫生，同埋佢的心情能有力量去面對啦。