學院開放日- 做一日神學生

3月29日(星期六)是本學院的開放日。

一早8:30便回到學院啦。成日咁鬼熱呀，著著吓出晒汗呀。今次安排到總務崗位，

唔仲係出汗果隻呀。諗住著細佬件校風褸， 通貪我大隻有力？我們由四年級的學兄

永一大師帶領我們做先頭部隊，他們很有“尖頭曼”風度不用我搬搬抬抬，我便在

reception位協助一下。今次有書攤賣書，是學院曾在公開講座的專題：

《當教會遇上政治》、《當基督徒遇上苦難》等系列。另一本是新鮮炙手的新書：

《無情地遇上有情》。此書內有很多院長的照片，抵買價：HK$55/本。另外，

我們星級老師張SIR最新著作《聖經本釋》推出。我地講笑話不如搞個簽名會促銷。

無啦啦被張SIR讚我靚，我回應佢：今日我只係著咗校服咋喎，可能比平時斯文咗D，

或者我塗了點唇膏，樣子看上來精神點！不過被人讚美都好開心的。

下午思言同學以搞笑的氣氛帶領大家敬拜同玩遊戲，個遊戲D出題目大多是聖經題目，

有教會歷史同神思，我同潘潘一齊答，有錯又有對，我講笑話幫我地溫書喎，

留心錯在那裡，返屋企加溫習先得。但有些都未教喎，點識答呀........

之後分組只得兩個新朋友，原來好多人都食完LUNCH已經走咗，問答遊戲玩完

又走咁D人，尤其我個組只有兩男的參加者囉。到分完組已經5:00啦，又要趕返教會

上門訓‧...好趕呀........